Kiungo wa Simba Jean Charles Ahoua Aipa Simba Mabao 7

 

Kiungo wa Simba Jean Charles Ahoua ndiye kinara wa kusababisha mabao katika kikosi cha Simba akihusika katika mabao 7 ndani ya mechi 8 za ligi kuu ya NBC.

Simba imepachika mabao 16 mpaka sasa, Ahoua amepachika mabao matatu huku akitoa pasi nne za mabao akifungana na Feisal Salum wa Azam Fc ambaye pia ana 'assist nne'.

Nyuma ya Ahoua, wachezaji wengine waliofunga mabao ni pamoja na beki Che Fondoh Malone aliyefunga mabao mawili kama ilivyo kwa washambuliaji Lionel Ateba na Valentino Mashaka.

Mashaka alianza vyema msimu kwa kufunga mabao yake katika mechi mbuli za mwazo hata hivyo majukumu ya timu ya Taifa ya vijana yalimfanya akosekane katika mechi nyingi zilizofuata.

Wachezaji wengine waliofunga bao moja moja ni Awesu Awesu, Steven Mukwala, Edwin Balua, Fabrice Ngoma, Mohammed Hussein, Shomari Kapombe na Deborah Fernandez.

Ahoua alikuwa mchezaji bowa wa ligi kuu ya Ivory Coast msimu uliopita. Kama ataendelea na kasi aliyoanza nayo Simba, msimu huu anaweza kufanya mambo makubwa na pengine kuwania tuzo hiyo kwenye msimu wake wa kwanza Msimbazi.

from UDAKU SPECIAL https://ift.tt/HincQyj
via IFTTT