Mkutano huo utakaofanyika saa tano asubuhi, umeitishwa katika Makao Makuu ya Chama yaliyopo Mikocheni.
Katika taarifa rasmi iliyotolewa leo, Chama kimeeleza kuwa Mheshimiwa Mnyika atazungumza kuhusu masuala muhimu yanayohusu mustakabali wa taifa.
Hata hivyo, hakuna maelezo zaidi yaliyotolewa juu ya ajenda za mkutano huo, hali ambayo imezidisha shauku miongoni mwa wananchi na wadau mbalimbali wa kisiasa.
Kwa miezi kadhaa sasa, mjadala mkubwa umeibuka nchini kuhusu masuala ya kisiasa, kiuchumi na kijamii, na wengi wanatarajia kuwa hotuba ya Mnyika itatoa mwelekeo wa chama katika kipindi hiki cha kihistoria.
Wafuasi wa chama wameonyesha matumaini kuwa hotuba hiyo italeta msisimko mpya wa kisiasa kuelekea uchaguzi wa 2025.
Aidha, waandishi wa habari wa ndani na nje ya nchi wanatarajiwa kuhudhuria mkutano huo, hatua inayothibitisha umuhimu wa tukio hilo.
Watanzania wote wametakiwa kufuatilia kupitia vyombo vya habari ili kusikiliza kile ambacho wengi wanaamini kinaweza kuwa kauli yenye uzito mkubwa kwa taifa.
Je, Mnyika atafichua nini? Jibu litapatikana kesho saa tano asubuhi!
from UDAKU SPECIAL https://ift.tt/37v1ROG
via IFTTT